Наманган шаҳридаги 15-умумтаълим мактабида шаҳарда жиноятчилик ва ҳуқуқбузарликларнинг олдини олиш бўйича амалга оширилган ишлар якунлари, галдаги вазифалар юзасидан таҳлилий йиғилиш ўтказилди.

Йиғилишда Наманган вилоят ички ишлар бошқармаси бошлиғи Одил Отахўжаев, Наманган шаҳри ҳокими Шавкатжон Абдураззақов, шаҳар секторлари раҳбарлари иштирок этди.

Кун тартибидаги мавзу юзасидан шаҳар ИИБ бошлиғи Авазхон Хўжахоновнинг ҳисоботи тинланди.

Вилоят ИИБ бошлиғи Одил Отахўжаев ўз чиқишида шаҳар ҳудудида 2019 йил охири ва янги йил бошида содир этилган оғир жиноятларга батафсил тўхталди. Уларнинг рўй бериш сабабларини таҳлил қилди.

Маҳалла фуқаролар йиғинлари раислари, профилактика инспекторлари, таълим муассасалари раҳбарлари, тегишли мутасаддилар қатнашган йиғилишда жиноятчилик ва ҳуқуқбузарликларнинг олдини олиш бўйича зудлик билан амалга оширилиши лозим бўлган вазифалар муҳокама этилди.

Шундай мавзудаги йиғилиш Наманган шаҳридаги 52-умумтаълим мактабида ҳам бўлиб ўтди.

Аввал хабар берилганидек (https://t.me/axborotxizmati/16374), Халқ депутатлари Наманган шаҳар кенгашининг 5-чақириқ охирги 40-сессияси якунига етди.

Олий Мажлис Қонунчилик палатаси томонидан қабул қилинган ҳамда Сенат томонидан маъқулланган Ўзбекистон Республикасининг “2020 йил учун Давлат бюджети тўғрисида”ги қонунига мувофиқ, 2020 йилда халқ депутатлари кенгашларини маҳаллий бюджетларни бошқаришда, хусусан, маҳаллий бюджет харажатларини ҳудудий бюджет маблағлари тақсимовчилар кесимида тасдиқлаш ва уларнинг кенгаш олдидаги ҳисобдорлигини белгилаш бўйича ваколатлар кенгайтирилди.